خالد حسني يَامِصْرُ كَمْ فِيكِ مِنْ مُضْحِكِاتٍ وَلَكِنْ ضِحْكٌ كَالبُكَاء

ايه يا ابنى الكلام الكبير ده انت مكبر الموضوع اوى عموما لو ما كنش ليك اصحاب مدونين فده اكيد منك لانك ما حاولتش وانا يا سيدى اول واحد لو تحب نكون اصحاب

كونك حاسس بغربة ده إحساس بيجلنا كلنا على ما أعتقد ورغم علاقاتى بمدونين كتير بره وجوه، إفتراضياً وواقعياً بس بردك بحس بغربة حتى وأنا وسطهم. دى مش المشكلة ... لكن يبدو لى إن إنت بتحاول تعبر عن مشكلة آخرى ربما لا تريد الافصاح عنها أو ربما لا تعيها. مش عارف!!! هل هو الاحساس بالغربة ولا بالوحدة ولا الانعزالية ولا بالعقدية ولا بالانفرادية ولا بالعبقرية ولا بالحمورية (لم أخذه مش قصدى شتيمة طبعاً) أنا بحاول أفهم بس فين المشكلة :)

انا حاسس ان انتا بتحكى نفس مشكلتى بالظبط وبنفس التفاصيل انا كمان ماليش اصحاب لا جوة ولا برة غير واحد بس وهوا صاحبى الانتيم وحتى ده كمان بقيت امل منه والحياة عموما ما فيهاش جديد بقالى خمس شهور عايز أدون بس مخنوق مش لاقى موقع نضيف وشكله حلو أدون فيه ده غير ان انا ما بتكلمش فى السياسة وبكرهها وعايز اتكلم فى التقنية والانترنت بس حاسس ان ماحدش هيتابعها بجد احساس قاسى جدا انك تكتب وانتا عارف ان محدش هيقرالك حاجة . والاحساس الاصعب انك تلاقى قراء متسجلين فى عداد الزوار بس دخلوا وما علقوش بكلمة !! عموما كويس انى لقيت واحد بيعانى نفس مشكلتى وده ممكن يخلينا نفكر نعمل تنظيم سرى لهؤلاء " الغرباء الذين يشعرون بالعزلة ولا يجدون تعليقات على مدوناتهم " بس انا اكتشفت حاجة كويسة وهيا انك بتحس براحة ما لمجرد انك بتكتب حتى لو مانشرتش الكلام ده بس أحسن من الكبت جواك نصيحة ليك وليا حاول تتعلم الرغى والكلام لمجرد الكلام .. ولو ماعرفتش كلم نفسك حتحس بسعادة برضة