خالد حسني يَامِصْرُ كَمْ فِيكِ مِنْ مُضْحِكِاتٍ وَلَكِنْ ضِحْكٌ كَالبُكَاء

أنا دلوقتى شغال من على نسخة جنتو اللى بنيتها جديد، دى تالت مرة أبنى فيها جنتو

المرة اﻷولانية كانت من غير شبكة، نسخت الملفات من عند محمد حجاج وامشيت ورا اللى هو كان كاتبها، طبعا عشان ما كانش فى نت حصل لعبكة كتير وقضيت نصة الوقت عمال أوفق ديه مع دى عشان أمشى نفسى بالسورسات اللى موجودة وميشيت واشتغلت عسل

المرة التانية كانت بعد ما وصلت نت فى البيت أول مرة -وصلت شهر واحد وفصلت تانى- كانت ايام امتحانات نص السنة، ما كانش فى لعبكة كتير بس أنا بنيتها من غير مبص كويس فى الكتيب بتاع جنتو ومشيت وقضت غرضها

المرة التالته المرة دى، النسخة اللى بنيتها تانى مرة كانت لسة شغاله بس مليلنا باﻷخطاء نتيجة لعبى المتواصل فيها ﻷكتر من 6 شهور بس أنا كنت ناوى أظبطها ومشيها، لحد ما جت القشة اللى قصمت ظهر البعير كما يقولون، البورتاج بطل يشتغل و "emerge" بقى بيطلع خطأ ويخرج، قلت ما بهاش يا واد ياخالد وقومت رايح قارى الكتاب بتاع جنتو وماش على الخطوات ولحد دلوقتى كله تمام بس يارب ما يحصلش مصيبة تانى تخلينى ابنيها رابع مرة، وبالمناسبة المرة دى كانت أسرع مرة قعدت أقل من 40 ساعة عشان ابنى النظام بـ X وكدى كمان.